Pra heta BiełaPAN paviedamiŭ kiraŭnik departamienta hramadskaj infarmacyi pradstaŭnictva AAN u Biełarusi Viktar Radzivinoŭski 20 maja paśla adkryćcia mižnarodnaj jurydyčnaj alimpijady «Moładź za mir» u pasiołku Ratamka pad Minskam.
Pavodle jaho słoŭ, čakajecca, što M.Šarapava naviedaje tyja rajony, na reabilitacyju jakich jana raniej vydzieliła srodki.
«Ja spadziajusia, što vizit Maryi Šarapavaj budzie mieć rezanans i pryciahnie bolš srodkaŭ donaraŭ na reabilitacyju čarnobylskich rajonaŭ», — zaznačyŭ V.Radzivinoŭski.
Nahadajem, 14 lutaha 2007 hoda M.Šarapava achviaravała 100 tys. dołaraŭ na ažyćciaŭleńnie vaśmi prajektaŭ dla moładzi ŭ sielskich rajonach Biełarusi, Rasii i Ukrainy, što paciarpieli ad avaryi na Čarnobylskaj AES. Achviaravanyja M.Šarapavaj srodki vykarystoŭvalisia dla finansavańnia prajektaŭ u halinie kampjuteryzacyi i ekałahičnaj aśviety, adnaŭleńnia spartyŭnych zbudavańniaŭ i balnic. U vieraśni minułaha hoda Fond Maryi Šarapavaj pieraličyŭ jašče 30 tys. dołaraŭ na dabračynnyja prajekty, što realizujucca ŭ Brahinskim i Čačerskim rajonach Biełarusi.
Jak paviedamiŭ V.Radzivinoŭski, ciapier u paciarpiełych ad avaryi na ČAES rajonach ažyćciaŭlajucca prajekty AAN pa dyjahnastyčnaj pracy z małaletnimi i novanarodžanymi, kansultavańni ciažarnych žančyn, asnaščeńni dziciačych hulniavych placovak i reabilitacyjnych pakojaŭ.
Maryja Šarapava - pieršaja rakietka śvietu. Naradziłasia 19 krasavika 1987 h. u sibirskim haradku Niahań, kudy jejnyja baćki pierajechali z Homiela, ratujučysia ad mahčymych nastupstvaŭ Čarnobylskaj biady.