Chłopca sudzili pa artykułu 23.34 Administracyjnaha kodeksu (parušeńnia praviadzieńnia masavych mierapryjemstvaŭ) za akcyju 1 traŭnia la Nacyjanalnaj biblijateki. Tady milicyja za sprobu ŭźniać na śviatkavańni aficyjnaha Pieršamaju ściahi Eŭrasajuzu zatrymała kala tryccaci čałaviek. Mikałaja Statkieviča adrazu asudzili na dziesiać sutak aryštu, a inšych vyzvalili z patrabavańniem źjaŭlacca ŭ sud pa pieršych ža pozvach.
Pra prysud — 7 sutak — Fińkievič daviedaŭsia ź piśmovaha paviedamleńnia, jakoje pryjšło jamu z sudu dadomu. Mahčyma, akurat z hetym sudom źviazanaje toje, što Artura zrabili nievyjaznym z krainy.
Lider «Maładoha frontu» Źmicier Daškievič taksama viedaje, što nad im adbyŭsia sud, ale pakul nia ŭ kursie vyniesienaha pakarańnia. Praces nad Źmitrom Chviedarukom jašče nie prajšoŭ.