Padčas aperacyi «Viasna» ŭ 1948 hodzie Saviety vyvieźli z krainy amal 40 tysiač čałaviek. Heta była najbolšaja departacyja ŭ historyi Litvy.
Prezydenty Polščy j Letuvy — Lech Kačyński dy Vałdas Adamkus razam udzielničali va ŭšanavańni pamiaci achviaraŭ departacyi. Prezydenty pierad vyjezdam na spatkańnie prezydentaŭ krainaŭ Prybałtyki dy Polščy ŭ Ryzie, pakłali kvietki pierad pomnikam achviaram savieckaj akupacyi ŭ Vilni.
Achviarami departacyi čaściej za ŭsio stanavilisia zamožnyja haspadary, jakija nie chacieli ŭstupać u kałhasy. Siarod ich było šmat palakaŭ. Dyrektar Centru daśledavańniaŭ złačynstvaŭ i supraciŭleńnia Arvidas Ališaŭskas kaža, što dakładnaja ličba departavanych pavodle ich nacyjanalnaści nia ŭstanoŭlenaja da hetaje pary.
Masavyja vyvazy vyklikali ŭ hramdztvie pačućcio strachu pierad savieckaju ŭładaju. «Saviety dakazali, što mohuć zrabić z čałaviekam usio — adabrać dom, ziamlu, vyvieźci ci zabić», ‑‑ kaža sp. Ališaŭskas.
