Biełaruskija dziaržaŭnyja miedyja taksama adreahavali na śmierć u Kijevie žurnalista Paŭła Šaramieta.
Sajt «Sovietskoj Biełoruśsii» zrabiŭ pieradruk z… «Rośsijskoj haziety». Karacieńkaja infarmacyja ab zdareńni. A taksama bijahrafičnaja daviedka, dzie havorycca, što «Šaramiet abvinavačany ŭ niezakonnaj žurnalisckaj dziejnaści i supracoŭnictvie z zamiežnymi śpiecsłužbami, pravioŭ try miesiacy ŭ turmie». Nijakich tłumačeńniaŭ adnosna toj spravy «SB» nie daje.
BiełTA ŭvohule nie daje nijakich spasyłak na toje, što Pavieł Šaramiet – biełarus i niepasredna źviazany ź Biełaruśsiu. Prosta infarmacyja, što ŭ Kijevie «zabity žurnalist Pavieł Šaramiet».
Na sajcie Biełteleradyjokampanii ŭvohule paviedamleńniaŭ pra trahičnaje zdareńnie ŭ Kijevie niama. I heta pry tym, što Šaramiet pracavaŭ na Biełaruskim telebačańni.
Telekanał ANT padaŭ infarmacyju bolš niejtralna i prafiesijna za inšych kaleh ź dziaržaŭnych ŚMI. Tam jość infarmacyja jak pra samu hibiel žurnalista, hetak i ab jaho biełaruskim pachodžańni.
