Jak paviedamlaje haradzienski błoh s13, ciaham bližejšych dvuch hadoŭ na Haradzienščynie na zahad Alaksandra Łukašenki zbudujuć 6 ladovych pałacaŭ.
Adzin ź ich miarkujecca zbudavać u Navahradku ŭ mikrarajonie «Paŭdniovy Zachad», paćvierdziŭ infarmacyju namieśnik staršyni Navahradzkaha rajvykankamu Jury Kałanovič. Pavodle planaŭ jon budzie źmiaščać 800 hladackich miescaŭ, padradčykam vystupić Upraŭleńnie kapitalnaha budaŭnictva Haradzienskaha abłvykankamu.
Nastupny hod adznačycca dla byłoj stalicy VKŁ jašče adnoj padziejaj — Navahradak adśviatkuje svajo 965‑ci hodździe. Dziela hetaha ŭłady horadu vyrašyli pieranieści na hod tradycyjny festyval siaredniaviečnaj kultury «Navahradzki zamak». Nahadajem, što ad 2000‑ha hodu fest ładzicca raz na dva hady.
