 |
Prahrama małych hrantaŭ ambasady ZŠA u Biełarusi isnuje ŭžo šmat hadoŭ. Jaje sutnaść detalna apisvajecca na vebsajcie ambasady, jak na anhlijskaj, tak i na biełaruskaj movach.
Jak adznačajecca na hetych staronkach, niezaležnyja srodki masavaj infarmacyi, viaršenstva zakona i pravy čałavieka — heta pryjarytetnyja napramki dziejnaści Prahramy małych hrantaŭ. Prahrama zacikaŭlenaja ŭ prajektach, datyčnych pabudovy demakratyčnych instytutaŭ, padtrymki hramadzianskaj adukacyi, roŭnaści žančyn, reform zakanadaŭstva i rynkavaj ekanomiki z metaj sadziejničańnia intehracyi Biełarusi ŭ transatłantyčny sajuz demakratyčnych krain.
Uličvajučy, što hetaja prahrama isnuje ŭžo daŭno i dobra viadomaja, vyklikaje ździŭleńnie toj fakt, što jana stała abjektam hetkaj pilnaj uvahi mienavita ŭ dadzieny momant. Adnak, pavodle Vienskaj kanviencyi ab dypłamatyčnych znosinach, ambasada ZŠA hatova atrymać aficyjny zapyt ab pracy Prahramy małych hrantaŭ ad Ministerstva zamiežnych spraŭ Respubliki Biełaruś.
