Prajšła kvalifikacyja ŭ stralbie ź pnieŭmatyčnaj vintoŭki z 10 mietraŭ. Udzieł brali adrazu dva biełarusy – Illa Čarhiejka i Vital Bubnovič.
Čarhiejka pačaŭ vielmi ŭpeŭniena, jon doŭhi čas byŭ lidaram. Adnak nie nadta ŭdała pravioŭ čaćviortuju i piatuju sieryi z 10 strełaŭ. Heta adkaciła Čarhiejku až na 11-12 miescy. U finał ža prachodzili tolki vosiem spartsmienaŭ.
Tym nie mienš, Čarhiejka sabraŭsia i vydaŭ niakiepskuju zaklučnuju sieryju. Apošnim patronam jon vybiŭ 10,8 bałaŭ. Heta pakidała za biełarusam šancy na finał, adnak na toj momant jašče nie adstralalisia mnohija supierniki.
Šmat dzie vyrašaŭ apošni streł. Naprykład, vienhr Pieter Sidzi spraviŭsia z chvalavańniem prosta na vydatna – 10,9. U vyniku jon apiaredziŭ Čarhiejku na 0,4 bała.
A voś kitajec Cao Ifej spudłavaŭ. Jamu treba było vybić chacia b 10,1 dla traplańnia ŭ finał. A jon trapiŭ roŭna 10,0. U vyniku kitajec ź biełarusam nabrali absalutna adnolkavyja sumy, ale ŭ finał z vośmaha miesca trapiŭ mienavita naš strałok. Bo mieŭ lepšuju siesiju – 105,2 suprać 104,7.
Vital Bubnovič tolki 17-y.
Finał pačniecca a 18 hadzinie.
