Fota: vk.com
Małady čałaviek nie viarnuŭsia sa źmieny ŭ noč na niadzielu 14 žniŭnia. Pa słovach svajakoŭ, cieła znajšli pad Hrodnam dniom u paniadziełak, 15 žniŭnia.
Taksist 33 hadoŭ nočču, a 2:30, źniaŭsia z zamovaŭ, ale dadomu tak i nie viarnuŭsia. Telefon staŭ niedasiažny kala troch hadzin nočy. Paźniej jaho Volkswagen Sharan znajšli ŭ vioscy Kapcioŭka, choć sam jon žyŭ u Leninskim rajonie Hrodna, raspaviali svajaki źnikłaha.
Stała viadoma, što kiroŭca taksi padvaziŭ dvuch maładych, ledź starejšych za 20 hadoŭ, chłopcaŭ z Foluša. Pavioz ich za horad. Kab zavałodać dzionnaj vyručkaj taksista, pasažyry jaho zabili. Cieła znajšli na poli kala vioski Hibuličy. Pasažyraŭ zatrymali, paviedamlaje pres-słužba UUS Hrodzienskaha abłvykankama.
Raspačata kryminalnaja sprava pa fakcie zabojstva, spałučanaha z razbojem.