Hod tamu scenar Alaksandra Debaluka “Krapavy baret” atrymaŭ treciaje miesca na konkursie kinastudyi “Biełaruśfilm”. Heta stužka pra pryhody zuchaŭ-specnazaŭcaŭ, a krynicaju natchnieńnia pasłužyŭ Dźmitry Paŭličenka.
Spačatku studyja spasyłałasia na brak hrošaj – i zdymki karciny adsoŭvalisia. Ale stała viadoma, što režyser Andrej Hołubieŭ užo prystupiŭ da pracy nad čatyrochseryjnym filmam. "Krapavy baret" reklamujecca, jak "pieršy ajčynny pryhodnicki bajavik", a zdymki musiać prachodzić na Kaŭkazie i Biełarusi. Na sajcie kinastudyi Hołubieŭ pryznajecca: “Heta budzie dynamičny film ź vialikaj kolkaściu składanych zdymak”.
Andrej Hołubieŭ – vychavaniec Michaiła Ptašuka. Debiutnaja stužka Hołubieva “Čakłun i Rumba” – meladrama pra patryjatyčnaha sapiora i jahonuju aŭčarku – vyłučajecca nieachajnymi zdymkami i patasnym stylem.
Na fota: Andrej Hołubieŭ padčas zdymak "Čakłuna i Rumby" Fatahrafija z sajtu naviny.by
