 |
U paniadziełak na čempijanacie Eŭropy startavali hulni ŭ hrupie «S», jakuju mnohija ŭžo paśpieli achryścić hrupaj śmierci. Miarkujecie sami, u kvartecie kamand dziejsnyja čempijony śvietu italjancy, pieramožcy kantynentalnaha pieršynstva 2000 hodu francuzy, adny z hałoŭnych pretendentaŭ na zołata sioleta halandcy, a taksama bajavityja rumyny.
Adkryvali hrupavy turnir francuzy i rumyny. Śmieła možna kazać, što pakul heta samy niecikavy matč na čempijanacie. Ad samaha pačatku aściarožnyja rumyny zasušyli hulniu zornaha francuskaha lehijonu, nie dajučy im ni šancu ŭ atacy. Sami naščadki hrafa Drakuły ŭ stvareńni atak taksama nie vydzialalisia.
Za ŭsiu sustreču zbornyja dobra kali stvaryli paračku paŭmomantaŭ, a da realnych pahroz sprava tak i nie dajšła. Kamandy hulali pry pastajannym śviście trybunaŭ. Jak vynik, sumnaja ničyja – 0:0.
Kali rumyny jašče mohuć častkova zadavolenyja takim likam, to francuzam, naturalna, dastaniecca na arechi ad tamtejšaj presy.
A 21:45 praciah hulniavoha dnia: Halandyja – Italija.
