Ueśli Snajder vinšuje Marka Van Bastena, euro2008.uefa.com |
"Aranžavyja" žorstka paździekavalisia ź dziejučych čempijonaŭ śvietu.
Kali pieršy matč paniadziełka, dzie syšlisia zbornyja Francyi i Rumynii, byŭ samym małacikavym z matčaŭ čempijanatu, to hety matč byŭ samy vidoviščny i zachaplalny. I trymaŭ niahladziačy na lik u napruzie da apošniaj chviliny.
Na 25-j vyznačyŭsia forvard madrydzkaha "Reału" Ruud van Nistełroj. Praz šeść chvilin hoł-pryhažun zabiŭ Ueśli Snajder, taksama hulec "Reału". Darečy, Snajderu ŭ paniadziełak spoŭniłasia 23 hady. Niakiepski padarunak na dzień narodzinaŭ.
U druhim tajmie italjancy ledź nie pierachapili inicyjatyvu, mieli niekalki dobrych momantaŭ. Ale Džovani van Bronkchorst z "Fejenordu" na 79-j chvilinie pravioŭ tłustuju rysu pad spadzievami italjancaŭ – 3:0. Halandcy mieli potym paru momantaŭ zrabić lik 4:0.
Turnirnaje stanovišča: Halandyja – 3, Francyja, Rumynija – pa 1, Italija – 0.
Matčy druhoha turu ŭ hetaj hrupie buduć zhulanyja ŭ piatnicu. Italija zhulaje z Rumynijaj (19:00), a Halandyja z Francyjaj (21:45).
* * *
A ŭ aŭtorak, 10 červienia, ustupiać u baraćbu kamandy hrupy "D".
A 19-j pačniecca matč Hišpanija – Rasieja, a ŭ 21:45 na pole vyjduć zbornyja Švecyi i Hrecyi.
* * *
Źviarnicie ŭvahu taksama na toje, što ŭžo treci dzień zapar na čempijanacie zabivajuć štodnia pa try miačy. U pieršy dzień: Čechija -- Švajcaryja - 1:0, Partuhalija - Turcyja - 2:0. Druhi dzień: Aŭstryja - Charvatyja - 0:1, Niamieččyna - Polšča - 2:0. U paniadziełak taksama byli zabityja try miačy. Praŭda, u adnoj sustrečy. U matčy Francyja i Rumynija hałoŭ nie było.
P.S. I voś što cikava, chto-niebudź hladzieŭ pa BT film pra apazycyju i złobnyja plany ZŠA, što supaŭ ź pieršym tajmam matču Halandyja - Italija, ci taksama nia zdoleŭ pieraklučycca z futbołu?