Za jaje na varšaŭskim aŭkcyjonie «Lamus» zmahaŭsia taksama adzin biełaruski biznesoviec, ale, pa jahonym pryznańni, vykłaści takija hrošy jon byŭ nie hatovy. A kupiła jaje Nacyjanalnaja biblijateka Polščy.
Stary Zamak, most cieraź Nioman i ŭsie cerkvy — manumentalnaja panarama Horadni paŭstaje na hetym miedziarycie 1568 hodu. Hraviura Ciundta pamieram 36 na 102 santymetry pakazvaje horad u časie pryhatavańniaŭ da Lublinskaje unii. Na pieršym planie maršałak Vałovič vitaje pasolstva cara Ivana Žachlivaha. U dalečyni adkryvajecca panarama miesta. Jaje zmalavaŭ u lipieni 1568 hodu vidavočca, Jana Adelhaŭzer. A Matyjas Ciundt (1498-1572), znakamity niurnberski miedziarytnik, pieranios u formu hraviury. Heta sapraŭdny rarytet: viadomyja ŭsiaho niekalki zachavanych aryhinałaŭ hetaj pracy. Nivodzin ź ich nie znachodzicca ŭ Biełarusi.
Adna ź ich, z pryvatnaj kalekcyi, vystaŭlenaja na antykvarny aŭkcyjon u Varšavie. Jon adbyŭsia 7 červienia.
Pačatkovaja cana «Vera designatio urbis in Littavia Grodnae» — tak hučyć poŭnaja nazva hraviury — składała 40 tysiačaŭ złotych (18,5 tys. dalaraŭ). Prodažnaja — amal u 2,5 razu bolšaja — 95 tysiačaŭ złotych.
Za jaje na varšaŭskim aŭkcyjonie “Lamus” zmahaŭsia taksama adzin biełaruski biznesoviec, ale, pa jahonym pryznańni, vykłaści takija hrošy jon byŭ nie hatovy.
U vyniku jana adpravicca ŭ Nacyjanalnuju biblijateku Polščy.
Zatoje biełaruski kalekcyjanier, jaki pažadaŭ zastacca nieviadomym, kupiŭ u časie aŭkcyjonu ścipły partret apošniaha karala Rečy Paspalitaj Stanisłava Aŭhusta Paniatoŭskaha.
Kataloh aŭkcyjonu ŭ farmacie PDF dastupny tutaka.
 Vera designatio urbis in Littavia Grodnae. 1568. Vystaŭlenaja na aŭkcyjon antykvaryjatu ŭ Varšavie. |
