Aryštavany namieśnik staršyni Sajuzu pradprymalnikaŭ Michaił Šavielzon 7

M. Šavielzon, fota BSP

Litoŭski partał Delfi paviedamlaje, što aryštavanyja žychar Vilni Hintas Zehierys, jaki zajmaŭsia biznesam u Biełarusi, i jahony dziełavy partnior Michaił Šavielzon (u tekście Delfi — Savielizon). Abodva znachodziacca ŭ turmie KDB.

Heta stała viadoma ad byłoj žonki Zehierysa. Iłona Zehierenie raskazała, što biznesoŭca vinavaciać u pasiarednictvie pry davańni chabaru. Adnak aficyjnyja abvinavačvańni jašče nia vystaŭlenyja. Zehierys pracavaŭ u Miensku bolš za 10 hadoŭ i mieŭ vid na žycharstva ŭ Biełarusi. Pasoł Litvy ŭ Biełarusi Edminas Bahdonas zajaviŭ litoŭskim ŚMI, što pakul jon nie atrymlivaŭ aficyjnaj prośby suajčyńnika ab dapamozie. Pradstaŭniki ambasady zmohuć naviedać Zehierysa tolki paśla taho, jak jon sam aficyjna źvierniecca da ich pa dapamohu jak hramadzianin Litvy.

Tym časam telefon Michaiła Šavielzona, jaki źjaŭlajecca hanarovym vice‑staršynioj Biełaruskaha sajuzu pradprymalnikaŭ, nie adkazvaje. Pieršy vice-staršynia Sajuzu pradprymalnikaŭ Biełarusi Ryhor Rylkoŭ paćvierdziŭ, što suviazi z Šavielzonam niama prynamsi ad 3 červienia. 3-ha pradprymalniki telefanavali kalehu, kab pavinšavać jaho z narodzinami, ale telefon nie adkazvaŭ.

Šavielzon byŭ viadomy jak pradprymalnik, kiraŭnik praŭleńnia kaaperatyvu «Techenerhaservis». Jon namieśnik staršyni Sajuzu pradprymalnikaŭ. Byŭ daradcam staršyni savietu respubliki nacyjanalnaha schodu.

0

0

0

0

0

0

Uł. inf.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH