Biełaruski kanhres demakratyčnych prafsajuzaŭ nakiravaŭ Heneralnamu prakuroru zvarot, u jakim na padstavie novych artykułaŭ Kryminalnaha kodeksu prosić pryciahnuć da kryminalnaj adkaznaści ministraŭ uradu za dyskredytacyju Biełarusi. Havorka viadziecca pra nievykanańnie rekamendacyjaŭ Mižnarodnaj arhanizacyi pracy ŭ spravie palapšeńnia pravoŭ niezaležnych prafsajuzaŭ.
Prafsajuźniki dumajuć, što prymusiać havaryć pra siabie chitrym pijar-chodam. Miž tym svaim zvarotam jany prosta lehitymizujuć biezzakońnie, uźviedzienaje ŭ ranh zakonu.
Kali eŭradeputata Bohdana Klicha spytalisia, što rabić z novymi papraŭkami, veteran «Salidarnaści» skazaŭ: ihnaravać.
Pieramohaj režymu budzie, kali novy lider apazycyi i jahonaja kamanda pierastanuć nazyvać rečy svaimi imionami, padładžvajučysia pad papraŭki Sucharenki — tym samym pryznajučy ich.
Niemahčyma pieramahčy režym, hulajučy pavodle jaho praviłaŭ.