Składanku muzyčnych tvoraŭ u seryi «Kultura Biełarusi. Lepšyja staronki» «Muzyka Biełarusi XIX stahodździa» padrychtavaŭ Dziaržaŭny muzej historyi teatralnaj i muzyčnaj kultury Respubliki Biełaruś pry sadziejničańni Biełaruskaj dziaržaŭnaj akademii muzyki.
U składancy pradstaŭlenyja tvory Antona Abramoviča, Michała Kleafasa Ahinskaha, Kanstancina Horskaha, Karala, Alaksandra i Michaiła Jelskich, Vosipa Kazłoŭskaha, Miečysłava Karłoviča, Stanisłava Maniuški, Kamili Marcinkievič, Napaleona Ordy (jaho malunak upryhožvaje vokładku vydańnia), Antonija Radziviła i Kanstancina Tyzenhaŭza. Da ŭłasna płytak (a ich dźvie), prykładajecca knižyca‑vokładka, u jakoj raźmieščanyja karotkija bijahrafii kampazytaraŭ i ich partrety.
Pradmovu da vydańnia padrychtavała doktar mastactvaznaŭstva, prafesar Biełaruskaj dziaržaŭnaj akademii muzyki Volha Dadzijomava. Pradusarami vydańnia vystupili Ŭładzimier Azioma, Uładzimier Pučynski i Jury Cybin.
Nabyć «Muzyku Biełarusi XIX stahodździa» možna ŭ pryvatnych raspaŭsiudnikaŭ.
 |
 |
