Jak vyśviatlajecca, Jurja Azaronka zvolnili z pasady namieśnika staršyni Biełteleradyjokampanii ź vialikim skandałam.
Pavodle ŭkazu prezydenta, padpisanaha 13 červienia — Azaronak zvolnieny «za ŭčynak, niesumiaščalny sa znachodžańniem na dziaržaŭnaj słužbie» (padpunkt 1.9 punktu 1 artykułu 40 Zakonu «Ab dziaržaŭnaj słužbie ŭ Respublicy Biełaruś»).
Pavodle radyjo «Racyja», havorka idzie ab nieprystojnych pavodzinach Azaronka ŭ časie vypravy na «Eŭrabačańnie» ŭ Białhrad.
«Ja ŭspryniaŭ hetuju navinu dastatkova spakojna. Vyznačusia bližejšym časam z tym, dzie budu pracavać. Maju prafesiju režysiora ŭ mianie nie zabiaruć. Ja jak byŭ čałaviekam prezydenta, tak im i zastanusia. I budu pracavać na karyść dziaržavie», — zajaviŭ učora sam Azaronak, adzin ź pijaneraŭ łukašenkaŭskaje prapahandy.