 Fota BIEŁTA |
Kiraŭnik Biełarusi zrabiŭ šyroki žest. Jon zaprasiŭ Papu Benedykta XVI naviedać Biełaruś ź vizytam u luby zručny dla jaho čas. Bolš za toje, Biełaruś i Rymska-katalickaja carkva buduć rychtavać da padpisańnia Pahadnieńnie ab supracoŭnictvie. «Ja ŭpeŭnieny, što mitrapalit Kandrusievič budzie zmahacca za niezaležnaść i suverenitet našaj dziaržavy», — zajaviŭ jon.
20 červienia adbyłasia sustreča kiraŭnika Biełarusi Alaksandra Łukašenki ź Dziaržaŭnym sakratarom Vatykanu Tarčyzijo Bertone, jaki znachodzicca ŭ našaj krainie na zaprašeńnie ŭradu. Heta pieršy aficyjny vizyt takoha vysokaha čynoŭnika Vatykanu ŭ Biełaruś (dziaržaŭny sakratar Śviatoha Pasadu adpaviadaje prykładna premjer-ministru ŭ śvieckich dziaržavach), tamu i ŭ Nacyjanalnym aeraporcie kardynała sustrakała hanarovaja varta.
Zrešty, Bertone naviedvaŭ Biełaruś jašče ŭ 1997 hodzie, ale tady jon jašče nie znachodziŭsia na pasadzie Dziaržsakratara.
«Ja vielmi rady hetamu vizytu, vielmi rady takomu sardečnamu pryjomu. Ja pryvioz pasłańnie Papy Benedykta XVI», – skazaŭ adrazu pa pryjeździe Tarčyzijo Bertone.
Na sustrečy z pasłańnikam Kaściołu Łukašenka paraiŭ nie šukać u vizycie palityčnaha padtekstu, nibyta z dapamohaj Vatykanu Biełaruś choča naładzić adnosiny z eŭrapiejskimi krainami. «Biełaruś absalutna nia suprać narmalizacyi stasunkaŭ nia tolki z Eŭropaj, ale i z ZŠA, ale my nikomu nie dazvolim umiešvacca ŭ svaje ŭnutranyja spravy», – cytuje Łukašenku ahienctva BIEŁTA.
“My daŭno supracoŭničajem z Vatykanam, jašče z časoŭ Jana Paŭła II, jaki vielmi lubiŭ i pavažaŭ Biełaruś, heta mnie viadoma. Kali ŭ vyniku vizytu Tarčyzijo Bertone adnosiny Biełarusi z Eŭropaj palepšacca, to my heta budziem tolki vitać. Vieraciarpimaść i talerantnaść – heta tradycyjnyja rysy biełaruskaha hramadztva. Naša zadača – z ulikam asablivaściej relihijnaha žyćcia i polietničnaha składu nasielnictva spryjać palapšeńniu i raźvićciu vieraciarpimaści, internacyjanalizmu, družby narodaŭ», – skazaŭ A. Łukašenka.
Mnohija ad pačatku pačali razhladać vizyt Bertone jak padrychtoŭku da dziaržaŭnaha vizytu Papy jak kiraŭnika Vatykanu ŭ Biełaruś. I jašče adno važnaje pytańnie, jakoje abmiarkoŭvałasia: padpisańnie Biełaruśsiu kankardatu z Vatykanam, jaki zamacuje pravavyja normy adnosin dziaržaŭ pa samych roznych pytańniach. Kali kankardat urešcie budzie padpisany, to heta vidavočna ŭmacuje pazycyi Katalickaha Kaściołu ŭ Biełarusi. Z usich postsavieckich krain padobnaje pahadnieńnie z Vatykanam maje tolki Litva.
Tarčyzijo Bertone maje padkreślena nasyčany vizyt. Štodzień kardynał maje niekalki sustrečaŭ i mierapryjemstvaŭ, zaplanavanyja jašče pajezdki ŭ rehijony – Pinsk i Horadniu, a taksama ŭ Hłybokaje na festyval chryścijanskich filmaŭ «Mahnifikat».
Aproč Łukašenki, Bertone mieŭ sustreču ź ministrami zamiežnych spravaŭ Siarhiejem Martynavym. «Hety vizyt vielmi pazytyŭny ŭ planie dvuchbakovaha supracoŭnictva. Adbyŭsia hruntoŭny abmien dumkami adnosna mahčymych šlachoŭ pahłybleńnia supracoŭnictva miž Mienskam i Śviatym Pasadam», – adznačyŭ S. Martynaŭ.
Adbyłasia sustreča Tarčyzijo Bertone i z kiraŭnikom Biełaruskaj pravasłaŭnaj carkvy mitrapalitam Fiłaretam. «Heta sustreča prademanstravała tuju atmasferu supracoŭnictva, jakaja isnuje ŭ Biełarusi miž dźviuma cerkvami i dźviuma kanfesijami», – adznačyŭ T.Bertone.
Dziaržsakratar Vatykanu jašče jeździŭ da dziaciej chvorych na rak u Baraŭlany, a taksama pračytaŭ lekcyju studentam BDU na temu «Viera i rozum: jak havaryć pra Boha sučasnamu čałavieku».
U subotu a 18:30 adbudziecca sustreča kardynału z moładździu i aśviačeńnie narožnaha kamienia pad kaścioł Śviatoha Jana Chryściciela ŭ Sierabrancy. A ŭ niadzielu, apošni dzień vizytu, Tarčyzijo Bertone naviedaje Čyrvony kaścioł, uskładzie kvietki da na płoščy Pieramohi, adsłužyć uračystuju śviatuju Imšu ŭ mienskim archikatedralnym kaściole i daść pres-kanferencyju dla žurnalistaŭ.
* * *
Alaksandar Łukašenka zaprasiŭ Papu Benedykta XVI naviedać Biełaruś ź vizytam u luby zručny dla jaho čas», — paviedamlaje pres‑słužba prezydenta.
Kiraŭnik dziaržavy padkreśliŭ, što ŭ jaho ŭstanavilisia vielmi dobryja asabistyja adnosiny z kiraŭnictvam Rymska-katalickaj carkvy ŭ Biełarusi: «Ja vitaŭ viartańnie Tadevuša Kandrusieviča, Archibiskupa Mitrapalita Mienska-Mahiloŭskaha, na rodnuju ziamlu. Jon sapraŭdny patryjot svajoj krainy i z razumieńniem stavicca da tych pracesaŭ, jakija adbyvajucca ŭ Biełarusi. Ja ŭpeŭnieny, što jon budzie zmahacca za niezaležnaść i suverenitet našaj dziaržavy, a dziaržava budzie jamu nadziejnaj aporaj u hetym».
* * *
(itał. Tarcisio Bertone) naradziŭsia 2 śniežnia 1934 hodu ŭ Ramana Kanavezie, niedaloka ad Turynu. Italjanski kardynał. Dziaržaŭny sakratar Vatykanu ad 15 vieraśnia 2006. Vykładaŭ tealohiju ŭ papskim universytecie Rymu, ad 1989 da 1991 byŭ jaho rektaram. Kamerlenho Katalickaha Kaściołu ad 4 krasavika 2007. Archibiskup Verčeli ad 1991 da 1995. Sakratar Kanhrehacyi Daktryny Viery ad 1995 da 2002, faktyčna ŭ toj peryjad jon byŭ namieśnikam siońniašniaha Papy Rymskaha Jozefa Ratcynhiera. Archibiskup Hienui ad 2002 da 2006. Kardynał-śviatar z tytułam carkvy Santa-Maryja Aŭsiliatryče in via Tuskanoła ad 2003 da 2008. Kardynał-biskup Fraskaci z 10 traŭnia 2008. Sustreča ŭ Nacyjanalnym aeraporcie. Fota Julii Daraškievič |
