U Miensku padčas śviatkavańnia aficyjnaha Dnia niezaležnaści na kancercie la steły «Miensk — horod-hieroj» hrymnuŭ vybuch. Spracavała, chutčej za ŭsio, samarobnaje vybuchovaje prystasavańnie, načynienaje metaličnymi bałtami i hajkami. Paśla zdareńnia la steły na praspekcie Pieramožcaŭ špitalizavana 65 čałaviek.
Jak śviedčać vidavočcy, vybuch byŭ niahučny. Asnoŭnaja masa ŭdzielnikaŭ śviatkavańnia navat nie daznałasia pra jaho. Kancert nie spyniali.
Pavodle źviestak medykaŭ, paciarpiełyja pastupali ŭ balnicy z 0:30 do 4:00. U mnohich – ranieńni ruk i noh. Va ŭsich klinikach, kudy pastupili paciarpiełyja, znachodziacca supracoŭniki milicyi.
Asnoŭnaja pracoŭnaja versija MUS -- "chulihanstva".
* * *
Adrazu pala vybuchu na miescy zdareńnia akazaŭsia A. Łukašenka, jaki pacikaviŭsia stanam paciarpiełych.
Milicyja i supracoŭniki KDB šukajuć arhanizataraŭ vybuchu, načalnik mienskaha HUUS Alaksandar Kulašoŭ zaznačaje, što adpracoŭvajucca ŭsie versii. Pakul schilajucca da versii "chulihanstva".
***
Pravaachoŭčyja orhany šukajuć smuhłaha mužčynu, jaki moža mieć dačynieńnie da vybuchu.
Jak pavdamiła "Interfaksu" maci dvuch paciarpiełych, supracoŭniki milicyi, pravodziačy apytańnie śviedkaŭ zdareńnia, raskazali, što mnohija ź paciarpiełych bačyli smuhłaha mužčynu, jaki niezadoŭa pierad vybucham pakinuŭ pad jełkaj pakiet.
U bolšaści paciarpiełych askołačnyja ranieńni ruk i noh, mnohija znachodziacca ŭ ciažkim stanie.
Adzin z błohieraŭ śviedčyć, što vybucham adnamu chłopcu adarvała nahu, dziaŭčynie – palcy noh. Błohiery taksama źviartajuć uvahu na vialikuju kolkaść mašyn chutkaj dapamohi, što aperatyŭna prybyli na miesca zdareńnia.
 |
 |
 |
Fota forum.onliner.by
