Šejman paŭ, Niavyhłas ź im 5

Łukašenka 8 lipienia padpisaŭ ukaz ab vyzvaleńni Viktara Šejmana ad pasady dziaržaŭnaha sakratara Savieta biaśpieki Respubliki Biełaruś u suviazi ź pieravodam na druhuju rabotu.

Kiraŭnik dziaržavy ŭ toj ža dzień padpisaŭ ukaz ab vyzvaleńni Hienadzia Niavyhłasa ad pasady kiraŭnika Administracyi prezydenta ŭ suviaź ź pieravodam na druhuju rabotu.

Pavodle BIEŁTA

Pasiedžańnie ŭ Łukašenki 7 lipienia. Sprava ad jaho - Niavyhłas i Šejman fota z sajtu prezydenta

Bijahrafičnyja daviedki

Šejman Viktar Uładzimieravič naradziŭsia 26 traŭnia 1958 h. u Sałtaniškach Voranaŭskaha rajonu Haradzienskaj vobł. Skončyŭ Błahavieščanskaje vyšejšaje tankavaje kamandnaje vučylišča, Akademiju MUS. Słužyŭ va Ŭzbrojenych siłach SSSR na Dalokim Uschodzie i va Aŭhanistanie.

Z 1987 h. u Biełarusi. Z 1990 h. – deputat Viarchoŭnaha Savieta BSSR, sakratar kamisii VS pa pytańniach nacyjanalnaj biaśpieki, abaronie i baraćjebie sa złačynnaściu.

Byŭ u pieradvybarnym štabie Łukašenki. Ad 5 žniŭnia 1994 h. – dziaržaŭny sakratar Savietu biaśpieki, ad 16 žniŭnia 1995 h. da 20 śniežnia 1995 h. – v.a ministra ŭnutranych spraŭ RB i staršyni kalehii MUS Biełarusi.

28 listapada 2000 h. – 29 listapada 2004 h. – hieneralny prakuror, z 20 sakavika 2006 h. ( na nastupny dzień paśla vybaraŭ -- z 23 śniežnia 2005 h. Šejman byŭ kiraŭnikom pieradvybarčaha štabu Łukašenki) pryznačany dziaržsakratarom Savietu biaśpieki, z 23 śniežnia 2005 h. byŭ kiraŭnikom pieradvybarčaha štabu Łukašenki.

Imia Šejmana zhadvałasia ŭ źviazku sa źniknieńniem viadomych ludziej Biełarusi (Zacharanki, Hančara, Krasoŭskaha, Zavadzkaha), u krasaviku 2006 h. jamu byŭ zabaronieny ŭjezd u ZŠA i krainy Eŭraźviazu.

***

Niavyhłas Hienadź Mikałajevič naradziŭsia 11 lutaha 1954 h. u Parachonsku Pinskaha rajonu Bieraściejskaj vobł.

Skončyŭ Maskoŭskaje vyšejšaje pamiežnaje vučylišča (1975), Vyšejšuju škołu KDB (1989), z 1975 h. znachodziŭsia na pasadach apeatyŭnaha i kirujučaha składu Uschodniaj pahraničnaj akruhi SSSR, z 1997 h. namieśnik staršyni Dziaržaŭnaha kamitetu pamiežnych vojsk, ź listapada 2000 h. – načalnik słužby biaśpieki prezydenta Respubliki Biełaruś.

Z 12 vieraśnia 2001 h. – na treci dzień paśla prezydenckich vybaraŭ – pryznačany dziaržaŭnym sakratarom Savietu biaśpieki. 20 sakavika 2003 h. abrany staršynioj Asacyjacyi «Biełaruskaja federacyja futbołu».

4 studzienia 2006 h. pryznačany kiraŭnikom Administracyi prezydenta.