Navukova-daśledčaje sudna «Šukalnik» vyjaviła na Paŭnočna-zachodnim šelfie Čornaha mora 40 młrd kubamietraŭ hazu na płoščy 7000 kv. m, piša RBK. Pra heta zajaviŭ kiraŭnik Dziaržsłužby hieałohii i nietraŭ Ukrainy Mikałaj Bajarkin, havorycca ŭ paviedamleńni, apublikavanym na sajcie słužby.
Bajarkin adznačyŭ, što dadzienyja ličby «minimalnyja, na jakija možna raźličvać». Jon padkreśliŭ, što Paŭnočna-ŭschodni šelf Čornaha mora źjaŭlajecca adnym z samych pierśpiektyŭnych učastkaŭ i maje vysoki kaeficyjent hieałahičnaha pośpiechu.
Akramia taho, jon zajaviŭ, što zapusk u rejs «Šukalnika» paśla troch hadoŭ prastoju — «adzin ź pieršych značnych krokaŭ na šlachu da enierhaniezaležnaści» Ukrainy.
Jak śćviardžaje akademik NAN Ukrainy Jaŭhien Šniukaŭ, u paŭnočna-zachodniaj častcy Čornaha mora znachodziacca «tysiačy hazavych fakiełaŭ, raźmieščanych na dnie». Akramia taho, pavodle jaho słoŭ, na dnie Čornaha mora jość hrazievyja vułkany, hazahidraty mietanu, krynicy presnaj vady, uhnajeńni, rossypy minierałaŭ i redkich mietałaŭ.
