«Jak by heta nie hučała, u nas hetaja navina, što chłopcaŭ buduć sudzić pa «administratyŭcy», vyklikała palohku» — zaznačyŭ Anatol Labiedźka pa darozie ŭ sud.
U vyniku Kiryła Paŭłoŭski atrymaŭ 10 sutak, a Vital Stažaraŭ i Michaił Paškievič pa -- 15. Ich źvinavacili ŭ parušeńni art. 17-1 KaAP (Niecenzurnaja łajanka ŭ hramadzkim miescy). Pierad vyniasieńniem rašeńnia pa spravie Paškieviča, sudździa Centralnaha rajsudu Taciana Paŭlučuk vydaliła ŭsich, chto pryjšoŭ padtrymać zatrymanych z zali sudu. Rašeńnie było vyniesienaje biez rehlamentavanaha sudovaj praceduraj pierapynku, paviedamlaje sajt ucpb.org.
Nahadajem, što Michaił Paškievič źjaŭlajecca aktyvistam «Maładych demakrataŭ», naziralnikam ad Abjadnanaj hramadzianskaj partyi pry Centralnaj vybarčaj kamisii dy kiraŭnikom vybarčaha štabu Alaksandra Dabravolskaha.
Vital Stažaraŭ kaardynuje pracu mienskaj arhanizacyi «Maładyja demakraty». Kirył Paŭłoŭski źjaŭlajecca kiraŭnikom partyjnaj arhanizacyi Centralnaha rajonu Miensku.
