BATe vyjhraŭ - 2:0. Dva hały ŭ druhim tajmie pravioŭ Hienadź Bliźniuk. Miačy byli zabityja na 72-j i 78-j chvilinach.
Matč u adkaz — 23 lipienia ŭ Rejkjaviku.
Pieramožca supraćstajańnia ŭ 2‑m raŭndzie Lihi čempijonaŭ zhulaje z bruselskim niekali słaŭnym «Anderlechtam».
Zdajecca, iślandzki barjer projdzieny.
***
U čaćvier projduć pieršyja matčy 1‑ha kvalifikacyjnaha raŭndu Kubku UEFA
Na mienskim stadyjonie «Traktar» MTZ‑RIPA zhulaje sa słavackaj «Žylinaj».
Pačatak matču a 18‑j. Kvitok – 7 000 rubloŭ (dziciačy – 1 000). Synoptyki prahnazujuć, što ŭ čaćvier uviečary budzie lohki doždž, temperatura pavietra ... +68. Kaniečnie, pavodle škały Farenhiejta (+20 Celsija)
A «Homiel» u Varšavie, na stadyjonie Vojska Polskaha» pasprabuje nie skarycca tamtejšaj «Lehii». Pačatak matču a 21:45 pavodle biełaruskaha času. U Varšavie ŭ čaćvier uviečary +19, moža być doždž.
Matčy ŭ adkaz projduć praz dva tydni, 31 lipienia.