Zhodna daśledvańniu PricewaterhouseCoopers, IFC i Suśvietnaha banku 2007 hodu, Biełaruś zaniała apošniaje, 178‑ie, miesca ŭ rejtynhu, što vyznačaje stupień zručnaści padatkovaj systemy dla biznesu, piša Kommiersant'.
Kolkaść padatkaŭ u našaj krainie najbolšaja ŭ śviecie — 124. Kab usie ich spłacić spatrebicca 49, 5 sutak (1188 hadzinaŭ). Dla paraŭnańnia, u Rasiei, što zajmaje ŭ rejtynhu 130‑ie miesca, eksperty naličyli 22 padatki. Na ich vypłatu nieabchodna patracić amal 19 sutak (448 hadzinaŭ).
Nahadajem, što z nastupnaha hodu planujecca ŭvieści adzinuju staŭku padachodnaha padatku na ŭzroŭni 12%. Ciapier biełarusy adličajuć padatki ŭ dziaržaŭny skarb pa prahresiŭnaj systemie. Dla fizyčnych asob dziejničaje piać stavak — 9%, 15%, 20%, 25% i 30% ad dachodu.
