Minkult Biełarusi ŭzhadniŭ prajekt stvareńnia muzieja pad adkrytym niebam — stajanki pieršabytnaha čałavieka
Prajektnaja prapanova pa praviadzieńni rabot na abjekcie «Muzej pad adkrytym niebam — stajanka pieršabytnaha čałavieka ŭ nasielenym punkcie Juravičy Kalinkavickaha rajonu Homielskaj vobłaści» ŭzhodniena na pasiadžeńni Biełaruskaj respublikanskaj navukova‑metadyčnaj rady pa pytańniach historyka‑kulturnaj spadčyny pry Ministerstvie kultury Biełarusi.
Uzrost stajanki pieršabytnaha čałavieka ŭ Juravičach — prykładna 26,5 tys. hadoŭ. Adnoj z najbolš sensacyjnych znachodak archieolahaŭ na miescy stajanki stała hałava mamanta ź biŭniami, jakaja zachavałasia całkam. Hetaja znachodka ŭnikalnaja dla Biełarusi.
Ciapier dobraŭparadkavanaja terytoryja miesca stajanki, zbudavanaja leśvica na ŭzhorak, dzie budzie znachodzicca naziralnaja placoŭka. Ekspazycyja žylla pieršabytnaha čałavieka raźmieścicca ŭ razrezie ŭzhorka, dzie pravodzilisia raskopki. Užo padrychtavanyja kancepcyja muzeju j tematyka‑ekspazycyjny plan.
Muziej budzie ŭjaŭlać dźvie majsterni: pa apracoŭcy kremieniu i majsterniu pieršabytnaha mastaka. Planujecca ŭstanavić try fihury — mužčyny‑palaŭničaha, žančyny, jakaja ačyščaje škuru, i dziciaci, jakoje padtrymlivaje ahoń.
Archieolah Alena Kalečyc kala znojdzienych na Juravickaj hary kostak mamanta. Fota Vieraniki Dziadok |