Andrej Kudzinienka |
Jaho scenarystam vystupiŭ biełarus Alaksandr Kačan, a režysioram — Andrej Kudzinienka, viadomy pa zabaronienym u Biełarusi filmie «Akupacyja. Misteryi» i našumiełym rasijskim filmie «Rozyhryš».
Jak raspaviała ŭ intervju Jeŭraradyjo hałoŭny redaktar kinastudyi Natalla Ściažko, płanujecca, što ŭsie zdymki filma buduć prachodzić u Biełarusi. Jana adznačyła, što scenar stužki zasnavany ŭ tym liku i na biełaruskich lehiendach.
«Dziejańnie filma adbyvajecca ŭ zamku ŭ kancy XIX‑pačatku XX stahodździa i zasnavana ŭ tym liku na biełaruskich lehiendach. Scenar užo zaćvierdžany. Andrej Kudzinienka choča, kab heta była sumiesnaja vytvorčaść biełaruska‑polska‑rasijskaja, i ciapier my šukajem partnioraŭ, jakija b paŭdzielničali ŭ hetym prajekcie».
Pa słovach Natalli Ściažko, pieršapačatkova film musiŭ nazyvacca «Źvier», ale potym było vyrašana pierajmienavać jaho ŭ «Masakru». Stužka spałučyć u sabie elemienty mistyki, detektyvu, trylera i choraru.