 |
Staršynia CVK Lidzija Jarmošyna ciaham tydnia dała ŭžo druhuju onłajn-kanferencyju. Kali na BIEŁTA Lidzija Michajłaŭna adkazvała na prycharošanyja pytańni, dyk na «Biełorusskich novostiach» pytańni byli kudy bolš pravakacyjnyja. Siarod ich aŭtaraŭ – namieśnik staršyni partyi BNF Viktar Ivaškievič i staršynia arhkamitetu BSDP «NH» Mikoła Statkievič, lider PKB Siarhiej Kalakin.
Lidzija Jarmošyna niekalki razoŭ asprečyła mierkavańnie, što jana maje dačynieńnie da falsyfikacyjaŭ vybaraŭ. «Ja pracuju tak, kab majo kresła było pakinutaje mnoju pa asabistamu žadańniu. Tamu nie spadziavajciesia, chutka nie sydu», – skazała staršynia CVK.
Na pytańnie, kali adbuducca nastupnyja prezydenckija vybary, Jarmošyna adkazała: «Jany projduć nie paźniej za 9 lutaha 2011 hodu. To bok, pačatak vybarčaj kampanii prypadzie na kastryčnik-listapad 2010 hodu».
«Ja nie mahu kamentavać šancy apazycyjnych palityčnych partyj praz toje, što nie zajmajusia palityčnymi prahnozami ŭvohule», – skazała Ł.Jarmošyna. Jašče ŭ čaćvier jana aceńvała hetyja šancy jak «mizernyja».
