1 žniŭnia ŭ miežach treciaha mižnarodnaha festyvalu paezii «Paradak słoŭ» u Miensku, u falvarku «Dobryja myśli», adbyŭsia pieršy biełaruski słem.
Pieramožcam ŭ hetym spabornictvie byŭ pryznany mienski paet Viktar Žybul. Jamu prysudžany specyjalny pryz ad kijeŭskaha časopisu kulturnaha supraciŭleńnia «ŠO». Druhoha miesca ŭdastojena biełaruskaja paetka i žonka hałoŭnaha pieramožcy Viera Burłak. Treciaje miesca — u maładoha mahiloŭskaha paeta Vitala Ryžkova.
Jak zaznačyŭ arhanizatar festyvalu maskoŭski paet Andrej Novikaŭ, słem — heta asnoŭnaja padzieja ciapierašniaha «Paradku słoŭ». Paety, jakija vystupajuć na takich mierapryjemstvach, pavinny čytać svaje tvory zadzirliva, ličyć jon.
«Jany prapanujuć najpierš maneru čytańnia, a nia jakaść tekstaŭ», — skazaŭ A.Novikaŭ i dadaŭ, što va ŭsim śviecie paetyčnyja słemy zaŭsiody majuć pośpiech u publiki.
Biełaruski paet i viadučy mierapryjemstva Andrej Chadanovič ličyć, što «Paradak słoŭ — 2008» unikalny ŭžo tym, što ŭ im udzielničajuć litaratary z Rasiei, Ukrainy, Tadžykistana.
«Słem — heta nia prosta paezija, — kaža A.Chadanovič. — Heta šoŭ, u jakim aŭtar havoryć nia tolki tekstam, ale i rucham cieła, intanacyjami. Tut važny artystyzm. Ja miarkuju, što biełaruski słem u lubym vypadku budzie adroźnivacca ad padobnych mierapryjemstvaŭ u inšych krainach najpierš intelihientnaściu».
Jahor Babij |
Viera Burłak |
Viktar Žybul |