Da 100 źničak na hadzinu možna budzie pabačyć na biaschmarnym niebie ŭnačy z 12 na 13 žniŭnia.
 Źnički Perseidy. Fota Mila Zinkova |
Jak paviedamili karespandentu BIEŁTA ŭ Abservatoryi BDU, mienavita tady samy značny j vidoviščny meteorny patok hodu — Perseidy — dasiahnie svajho piku.
Hety zorny doždž štohod «pralivajecca» na Ziamlu z kanca lipienia da kanca žniŭnia. U dobraje nadvorje nazirać uspyški metearytaŭ, jakija zharajuć, možna navat niaŭzbrojenym vokam. Dla lepšaje bačnaści astranomy rajać vyjści na adkrytaje miesca, dalej ad haradzkich ahnioŭ dy iluminacyi.
Meteorny patok Perseidy źviazany z kametaj Sŭifta‑Tutla, jakaja abaračajecca vakoł Sonca z peryjadam kala 130 hadoŭ. Apošniaje viartańnie hetaj kamety da Sonca nazirałasia ŭ 1992 hodzie, ciapier jana ruchajecca da vonkavych miežaŭ Soniečnaj systemy. Z 5 žniŭnia patok zaŭvažna nabiraje aktyŭnaść.
Rosčyrki Perseid prajecyrujucca na suzorje Perseja, adsiul takaja nazva.
Aproč Perseid, u lipieni‑žniŭni prachodziać taksama meteornyja daždžy. Paŭdniovyja Akvarydy (12 lipienia — 19 žniŭnia, maksymum 20 meteoraŭ u hadzinu), Paŭdniovyja Piscydy (12 lipienia — 10 žniŭnia, maksymum 5 meteoraŭ u hadzinu), Kaprykarnidy (3 lipienia — 15 žniŭnia, maksymum 4 meteory ŭ hadzinu), ale jany nie takija značnyja.
«Novy sezon kaśmičnych daždžoŭ adkryjecca dla žycharoŭ Biełarusi ŭ kastryčniku, ale takoha, jak u žniŭni, vy ŭžo nia ŭbačycie. Žnivień — samy zorny miesiac u hodzie», — adciemili ŭ Abservatoryi BDU.
