Alaksandr Łukašenka ad imia biełaruskaha naroda i siabie asabista vykazaŭ ščyryja spačuvańni Prezidentu Rasijskaj Fiederacyi Dźmitryju Miadźviedzievu i ŭsiamu rasijskamu narodu ŭ suviazi z trahičnymi padziejami ŭ Paŭdniovaj Asiecii. Ab hetym BIEŁTA paviedamili ŭ pres-słužbie kiraŭnika biełaruskaj dziaržavy.
Alaksandr Łukašenka padkreśliŭ, što ŭ Respublicy Biełaruś z pačućciom hłybokaha bolu ŭspryniali paviedamleńnie ab hibieli ŭ Paŭdniovaj Asiecii mnohich socień mirnych hramadzian i stratach siarod asabovaha składu rasijskaha miratvorčaha kantynhientu.
«Biełaruski narod, jak i ŭsie rasijanie, smutkuje ab achviarach trahiedyi, supieražyvaje ludziam, jakija stracili svaich blizkich, zastalisia biez prytułku i srodkaŭ da isnavańnia. My žadajem im stojkaści i mužnaści ŭ pieraadoleńni nastupstvaŭ hetaj humanitarnaj katastrofy», — havorycca ŭ spačuvańni.
U pasłańni taksama paviedamlajecca ab tym, što Biełaruś maje namier akazać paciarpiełym humanitarnuju dapamohu.
Adnačasova vysokapastaŭleny, ale ananimny čynoŭnik MZS siońnia zavieryŭ rasiejskaje ahienctva «Interfaks», što «ŭ Biełarusi nie vyklikaje sumnievu ... pravamiernaść dziejańniaŭ Rasiei pa abaronie svaich hramadzianaŭ na terytoryi Paŭdniovaj Asiecii».
Abiedźvie zajavy źjavilisia na nastupny dzień paśla hnieŭnaj invektyvy rasiejskaha pasła Surykava na adsutnaść reakcyi na kanflikt ź biełaruskaha boku.
