Biełaruś prypyniaje prahramy azdaraŭleńnia dziaciej na terytoryi ZŠA, paviedamlajecca na aficyjnym sajcie departamentu pa humanitarnaj dziejnaści Kiraŭnictva spraŭ prezydenta.
«U suviazi z uźnikłaj sytuacyjaj, źviazanaj z supraćpraŭnym utrymańniem na terytoryi Złučanych Štataŭ niepaŭnaletniaj biełaruskaj hramadzianki Taciany Kazyry, jakaja znachodziłasia ŭ horadzie Petałuma, štat Kalifornija, na azdaraŭleńni, i z metaj vyklučeńnia padobnych vypadkaŭ u budučyni biełaruski bok prapanuje zaklučyć sa Złučanymi Štatami mižuradavaje Pahadnieńnie ab umovach azdaraŭleńnia niepaŭnaletnich hramadzian Respubliki Biełaruś u Złučanych Štatach Ameryki. Prajekt pahadnieńnia budzie nakiravany amerykanskamu boku ŭ najbližejšy čas», — havorycca ŭ paviedamleńni.
Jak paviedamlaŭ BiełaPAN, 5 žniŭnia hrupa z 25 biełaruskich dziaciej pavinna była vylecieć u Minsk z San‑Francyska. Da pryznačanaha času ŭ aeraport nie prybyła hramadzianka Biełarusi 1991 hoda naradžeńnia Taciana Kazyra. Paźniej stała viadoma, što jana padała dakumenty ŭ imihracyjnuju słužbu dla padaŭžeńnia haściavoj vizy i moža zastavacca ŭ ZŠA, kab dačakacca rašeńnia ŭładaŭ.
