Ličba siabroŭ učastkovych vybarčych kamisij ad apazycyi navat mienšaja, čym u 2004 hodzie. Hetak, z 350 vyłučencaŭ AHP u kamisii prajšli tolki 5, a z 315 pradstaŭnikoŭ BNF — tolki 6, pryčym jak na ździek — na malupasieńki zakryty ŭčastak.
Z 150 čałaviek, vyłučanych ad Partyi BNF u siabry ŭčastkovych vybarčych kamisijaŭ u horadzie Miensku, zaćvierdžanyja tolki 3. Pryčym na 541 učastku Ŭschodniaj vybarčaj akurhi № 107, dzie vyłučajecca Vincuk Viačorka, — jak na ździek, na malupasieńki zakryty ŭčastak u suchotnym špitali, 60 vybarcaŭ, dzie i nazirać niama čaho.
U Bieraści ŭ skład učastkovych kamisij uvajšli 7 vyłučencaŭ demakratyčnych siłaŭ na 125 učastkaŭ.
Aktyvisty prysutničali na pasiedžańniach rajonnych administracyj, dzie 13 žniŭnia adbyłosia farmavańnie kamisij. «Abmierkavańnia nie było», — kažuć.
U 45 akruhach Barysava z 45 demakratyčnych aktyvistaŭ, jakija padavali dakumienty na ŭklučeńnie ŭ skład učastkavych vybarkamaŭ, nia ŭklučany ni adzin čałaviek. Toje samaje ŭ Barysaŭskim rajonie.
Toje samaje ŭ Mastach: z 16 prapanavanych nie ŭklučyli nivodnaha.
Toje samaje ŭ Kobrynie, u Homielskaj vobłaści.
Usiaho, zhodna z pajapiarednimi źviestkami, z paŭtary tysiačy pradstaŭnikoŭ ADS u kamisii ŭklučyli 18 čałaviek.
Zatoje nieadmienna ŭvachodziać u kamisii supracoŭniki idealahičnych i arhadździełaŭ vykankamaŭ — navat tyja, z čyimi imionami byli źviazanyja hučnyja skandały na minułych vybarach, jak u Małarycie.
Admoŭlena ŭsim biez razboru, chto nie pa łukašenkaŭskich śpisach, navat byłomu namieśniku staršyni Kanstytucyjnaha sudu Valerju Fadziejevu.
Pavodle zakonu, u kamisii mohuć uvachodzić ad piaci da 19 čałaviek, u zaležnaści ad patreby.
Lidzija Jarmošyna ŭ piatnicu ŭ interviju radyjo «Svaboda» vykazała krakadziłava škadavańnie vynikami farmavańnia vybarčych kamisij: «Sprava ŭ tym, što heta prava tych, chto stvaraje kamisii. Možna krytykavać hetu pazycyju, ale heta ich prava. Ščyra kažučy, ja nia vielmi z hetym pahadžajusia . Ja nie kažu pra toje, što patrebna całkam zadavalniać usie zajaŭki. Ale patrebna było ŭvažliva da hetaha padychodzić. I heta była maja stałaja rekamendacyja. Ale tym nia mienš dziejańni miascovych uładaŭ zakonnyja. I adkarektavać ich niejkim čynam ja nie mahu. Tamu što heta prava taho, chto ŭtvaraje kamisiju. Jon sam adbiraje kandydataŭ».
Lidzija Jarmošyna ŭ piatnicu ŭ interviju radyjo «Svaboda» vykazała škadavańnie vynikami farmavańnia vybarčych kamisij: «Sprava ŭ tym, što heta prava tych, chto stvaraje kamisii. Možna krytykavać hetu pazycyju, ale heta ich prava. Adkarektavać ich niejkim čynam ja nie mahu».
Na vybarach 2004 hodu ŭ kamisii ŭvachodziła ŭsiaho 0,2% niezaležnych siabroŭ. Sioleta ličba jašče mienšaja.
Łukašenkaŭcy nia majuć namieru admaŭlacca da manapolii na ŭłady. Apazycyja ŭstaje pierad ciažkoj dylemaj, ci ŭdzielničać dalej u takoj kampanii. Zianon Paźniak, niezarehistravany «Małady front» i hramadzkaja inicyjatyva «Chartyja-97» ćviorda zaklikajuć da bajkotu vybaraŭ.