Jašče letaś 29 červienia niaisny tady jašče mikrarajon Družba byŭ pieranazvany mienskimi deputatami ŭ Brylevičy — pavodle falvarku, jaki stajaŭ tut koliś u XVI stahodździ dy zhadvaŭsia jak dvor na pačatku stahodździa minułaha.
«Alimpijski» taponim susiedniaj vioski Družba dy jejny ž histaryčny — Ryłaŭščyna — novamu mikrarajonu nie pasavali.
Sioleta pa viaśnie ŭ mikrarajonie Brylevičy zasialili pieršyja damy na vulicach Jana Čačota dy Napaleona Ordy (jakoha miascovyja kamunalščyki zapisali «Ardoj»).
A 3 lipienia ŭ navasiołaŭ narešcie źjaviŭsia chaj niepraciahły, ale svoj aŭtobusny maršrut pad 35-m numaram: Aŭtastancyja «Paŭdniova‑zachodniaja» — mikrarajon… Družba!
Hetak bolš jak miesiac dzivilisia j katalisia mienčuki ŭ mikrarajon Brylevičy da «mikrarajonu Družba». Ažno 15 žniŭnia Miensktrans schamianuŭsia j nazvu kancavoha prypynka pryvioŭ u adpaviednaść z nazvaj miascovaści.
