U druhim kvartale 2008 hoda spažyvieckija raschody ŭ siarednim na adnu siamju ŭ Biełarusi pavialičylisia na 22,9% u paraŭnańni z anałahičnym letašnim pieryjadam. Pra heta paviedamiła Ministerstva statystyki i analizu.
Źviestki pryvodziacca pa vynikach vybaračnaha abśledavańnia chatnich haspadarak.
U siarednim biełaruskaja siamja ŭ nazvany pieryjad štomiesiac traciła na spažyvieckija patreby 1 młn. 12,9 tys. rubloŭ.
Ź ich 42,4% raschodavałasia na pradukty charčavańnia (u druhim kvartale 2007 hoda — taksama 42,4%), 2,5% — na ałkahol (2,4%), 34,2% — na niecharčovyja tavary (34,1%). Na apłatu pasłuh u siarednim traciłasia 20,9% usich spažyvieckich raschodaŭ (21,1%). Ź ich na žyllova‑kamunalnyja pasłuhi — 6,7% (7,3%).
Pry hetym Minstat zaznačaje, što ŭdzielnaja vaha nasielnictva ź siaredniedušavym dachodam da 150 tysiač rubloŭ pa krainie skłała 2,1%;
ad 150,1 da 300 tys. — 19,5%; ad 300,1 da 500 tys. — 39%;ad 500,1 da 700 tys. — 21,3%; zvyš 700 tys. — 18,1%.
Samaja vysokaja dola nasielnictva ź nizkim siaredniedušavym dachodam (mienš za 150 tys. rubloŭ) u Bresckaj vobłaści — 4%, z dachodami zvyš 700 tys. na čałavieka — u Minsku (37%).
