Lider Partyi kamunistaŭ Siarhiej Kalakin — adziny ź lideraŭ Abjadnanych demakratyčnych siłaŭ, chto padtrymaŭ Rasieju ŭ pytańni Abchazii i Paŭdniovaj Asiecii. Voś što skazaŭ staršynia apazycyjnych kamunistaŭ karespandentu «NN»:
«Abchazija i Asiecija ničym nia horšyja za kosaŭskich albancaŭ. Kali ŭvieś śviet pryznaŭ niezaležnaść Kosava, to čamu nia moža zrabić heta ŭ dačynieńnie da hetych dziaržaŭ? Narody Abchazii i Paŭdniovaj Asiecii vykazali volu žyć u niezaležnych dziaržavach. Što tut moža być kiepskaha? Pryznańnie niezaležnaści nia tolki mahčymaje, ale i nieabchodnaje.
Biełaruś taksama pavinna pryznać volu hetych narodaŭ. Ni dla koha nie sakret, što i naša kraina nabyła niezaležnaść taksama dosyć dziŭnym čynam, kali try čałavieki ŭ Biełavieskaj puščy padpisali damovu ab razvale SSSR.Mižnarodnaja supolnaść tady chucieńka pryznała Biełaruś jak asobnuju dziaržavu. Tamu, dumaju, padobnaje moža paŭtarycca i zaraz».
0
0
0
0
0
0
