Nadzvyčajny i Paŭnamocny pasoł Bałharyi ŭ Biełarusi prafesar d-r Pietka Hančaŭ adkazaŭ na list staršyni Partyi BNF Lavona Barščeŭskaha.
"Šanoŭny spadar Barščeŭski! Ź nievialikim spaźnieńniem ja daviedaŭsia ab niepryjemnaj sytuacyi, jakaja była vyklikanaja niepradumanym publičnym vykazvańniem ułaśnika futbolnaha klubu "Leŭski" spadarom Todaram Batkavym.
Na žal, vykazvańni pryvatnych asobaŭ takoha kštałtu z roznych nahodaŭ traplajuć nie ŭpieršyniu ŭ bałharskija medyi, ale jany ni ŭ jakim razie nie źjaŭlajucca aficyjnaj pazycyjaj bałharskaj palityki.
Bałharski i biełaruski narody majuć nia tolki ahulnyja karani, a na praciahu viakoŭ zaŭsiody siabravali sa ščyraj i ciopłaj sympatyjaj. Ja ŭłasna ŭ jakaści Nadzvyčajnaha i Paŭnamocnaha pasła Respubliki Bałharyja ŭ Respublicy Biełaruś za minułyja try hady šmat zrabiŭ dla jadnańnia i raźvićcia pry novych umovach šmatbakovych adnosinaŭ pamiž našymi krainami i narodami, i liču, što padobnyja niepradumanyja vykazvańni nie pavinny ŭsprymacca surjozna i nia treba źviartać na ich takoj uvahi.
17:10, 28 žniŭnia 2008, Nadzvyčajny i Paŭnamocny pasoł Bałharyi ŭ Biełarusi prafesar d-r Pietka Hančaŭ