Praz try dni pačniecca samit Eŭrasajuzu. Na im, siarod inšaha, budzie razhledžany rasiejska‑hruzinski kanflikt.
Padrychtavanyja dźvie rezalucyi ŭ hetaj spravie. Adnu rezalucyju raspracavała Polšča, druhuju — Italija, pieradaje Echo Moskvy sa spasyłkaj na Kommiersant.
Italija prapanuje miakkuju rezalucyju, jakaja praduhledžaje vyvad rasiejskich vojskaŭ z terytoryi Hruzii, u tym liku Poci i bufernych zon.Aproč taho, Eŭrasajuz moža zapatrabavać ad Rasiei harantyj taho, što jaje siońniašniaja palityka ŭ dačynieńni da Abchazii i Paŭdniovaj Asiecii nia budzie ŭžyta ŭ dačynieńni da inšych krain.
U polskaj rezalucyi viadziecca havorka pra ŭviadzieńnie finansava‑ekanamičnych sankcyj.Kali budzie pryniaty mienavita hety varyjant, Brusel parekamenduje bujnomu biznesu skaracić abjom finansavych układańniaŭ ŭ Rasieju i ŭvieści abmiežavańni na ekspart rasiejskaj stali, aluminiju i uhnajeńniaŭ. Krynica, blizkaja da Kramla, nie vyklučaje, što Eŭrasajuz moža aktyvizavać vysiłki pa dyversifikacyi pastavak elektraenerhii ŭ Eŭropu. H.zn. zatarmozić rasiejskija prajekty budaŭnictva hazapravodaŭ.
Za vypracoŭku kančatkovaha varyjantu rezalucyi adkazvaje Francyja, u pryvatnaści, kiraŭnik MZS Bernar Kušnier.
0
0
0
0
0
0
