Nadoječy pabačyŭ śviet čarhovy, siomy pa liku numar almanachu sučasnaj biełaruskaj kultury «Partyzan». Tema hetaha numaru - fenomien «łuzerstva» ŭ biełaruskaj kultury. Biełaruskija intelektuały častavali publiku cytatami dy płaŭlenymi syrkami.
«Ja ŭvohule nia viedaju nivodnaha biełaruskaha mužčyny, za jakoha Božańku možna pastavić zalik pa pracoŭnym navučańni», - piša Maryjka Martysievič ŭ jaje ese «Mužčyny, jakich my vybirajem». U hetym ža numary Aleś Ancipienka razvažaje pra «chvoruju nacyju» dy biełaruskija (kontr)elity, jak «žałkije ludi»: filozaf Aleś Ancipienka analizuje transfarmacyi dyskursu pra Biełaruś, Andrej Rasinski piša pra łuzerskuju sutnaść kino i jaho abitalnikaŭ pa toj i hety bok kinaaparata, a paet-marhinał Siarhiej Pryłucki i jaho alter-eha Siroška Pistončyk razvažajuć nad zahadkavym fenomenam «łuzer biełaruski» i prychodziać da vysnovy: «Biełarusy vielmi časta byvajuć scykunami».
Zaŭvaha: tradycyjnaj dyskusii ŭ redakcyi časopisa pARTisan na temu «Ci jość biełarusy łuzerami?» nia budzie: jana bliskuča pravaliłasia.
Videa z prezentacyi časopisu možna pahladzieć tut: