Siońnia Reał – BATE abnoŭlena 6

Upieršyniu biełaruski klub voźmie ŭdzieł u hrupavym turniry Lihi čempijonaŭ. Ździejśnilisia mary ajčynnych zaŭziataraŭ futbołu, jakija čakali hetaha dnia 17 hadoŭ.

Siońnia BATE vyjdzie na pole «Sanćjaha Bernabeŭ», kab supraćstajać u aficyjnaj – nie tavaryskaj! – hulni samim «hałakickas» – madrydzkamu «Reału».

Pačatak tranślacyi na BT u 21:40.

Ahlad hulniavoha dnia a 00:10, a ŭ 01:25 BT pakaža ŭ zapisie matč Juventus – Zienit. Heta našyja supierniki pa hrupie.

***

Paru hadoŭ tamu źjaviŭsia aniekdot. «Što robić biełaruski zaŭziatar, kali jaho klub vyjhraje (abo prajhraje) u Lizie čempijonaŭ. Adkaz: vyklučaje Play station – i idzie spać». Ciapier hety aniekdot nie aktualny.

Nie aktualny ŭ tym liku i tamu, što matčy aŭtorka nahladna pakazali BATE, što treba nia tolki nie bajacca favarytaŭ, ale možna biez prablem ich pieramahać.

Taki ž navičok Lihi čempijonaŭ, rumynski ČFR (z horadu Kłuž) abyhraŭ u haściach, na Stadyjo Alimpiko «Romu» 2:1.

Pryčym rumyny prajhravali 0:1, ale atrymali valavuju pieramohu. Lik moh być i bolšym, ale za rymlanaŭ adnojčy zastupiłasia belka varot, mužna pryniaŭšy na siabie mahutny ŭdar ad linii štrafnoj.

Druhaja sensacyja hrymnuła ŭ Bremenie,

dzie kiprski «Anartosis», miescam prapiski jakoha ličycca horad Famahusta (klub bazujecca ŭ Nikasii, pakolki Famahusta znachodzicca na terytoryi tureckaha Kipru), vystajaŭ u matčy suprać «Verderu».

Hierojem matču staŭ hałkiper kipryjotaŭ ałbaniec Bekaj. «Anartosis», jaki ŭznačalvaje znakamity hruzinski trenier Timur Kiecbaja (jon try hady tamu pryvoziŭ "Anartosis" u Miensk - kipryjoty pieramahli tady "Dynama"), zachavaŭ varoty na zamku. 0:0.

***

Inšyja vyniki:

Barselona – Sportynh – 3:1,
Bazel – Šachcior (Danieck) – 1:2.

Turnirnaje stanovišča: Barselona, Šachcior -- pa 3, Bazel, Sportynh -- pa 0.

U nastupnym tury ŭ Danieck zavitaje «Barsa». Hety matč adbudziecca 1 kastryčnika.

***

Čełsi – Bardo – 4:0,

Turnirnaje stanovišča: Čełsi, ČFR (Kłuž) -- pa 3, Roma, Bardo -- pa 0.

***

Panacinaikas – Inter – 0:2,

Turnirnaje stanovišča: Inter -- 3, Verder, Anartosis -- pa 1, Panacinaikas -- 0.

PSV – Atletyka Madryd – 0:3,

Marsel – Liverpul – 1:2.

Turnirnaje stanovišča: Atletyka, Liverpul -- pa 3, Marsel, PSV -- pa 0.

Jak bačym, u piaci z vaśmi matčaŭ pieramahli hości: Liverpul, Atletyka, Inter, ČFR, Šachcior. Tak što paniaćcie hości / haspadary vielmi ŭmoŭnaje ciapier.

***

Siońnia ž taksama hulajuć

Sełtyk -- Olbarh, Mančestar Junajted -- Viljareał; Alimpik Lijon -- Fijarencina, Ściaŭa -- Bavaryja;

cikavy matč projdzie ŭ Kijevie. Miascovaje "Dynama" zhulaje z łondanskim "Arsenałam". U hetaj hrupie "Portu" zhulaje z "Fienierbachče".

uł. inf.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH