Vyjšła sprečka-papiarečka. NN pieradrukavała paviedamleńnie z błohu Maryjki Martysievič pra zadumu vydańnia Kalendara z aholenymi piśmieńnikami. Takaja ekscentryčnaja ideja. Ludzi čytali, paśmichalisia — adzin z samych čytanych materyjałaŭ na sajcie za piatnicu vyjšaŭ. Ale aŭtarka razharačyłasia: jak tak, pieradrukoŭvajecca materyjał z błohu, a hanararu ni kapiejki. A NN sapraŭdy nia płacić za pieradruki — niama z čaho.
Klučavoje pytańnie biełaruskaj kultury zaklučajecca na siońnia ŭ tym, kab jaje tvorcy — palityki, ekanamisty, muzyki, žurnalisty, błohiery — atrymlivali hanarary, mahli žyć sa svajoj tvorčaści. Tam dzie sfery kamercyjalizavanyja (muzyka, vyjaŭlenčaje mastactva), niešta jašče atrymlivajecca. Ale tam dzie aŭtarytarny pres najciažejšy (ŚMI, jakija ŭ narmalnych sytuacyjach žyvuć z reklamy i prodažaŭ, a ŭ nas u paradku ŭmiarćvieńnia, adsiečanyja i ad pieršaha i ad druhoha), sytuacyja najhoršaja.
Ja viedaju, kali NN mahła b pačać płacić hanarary. Kali b 500 čytačoŭ pačali rehularna płacić achviaravańni na dziejnaść sajtu. Hetaha chapała b.
Pytańnie:
jakim čynam zahitavać 500 bahatych maładych biełarusaŭ addavać na biełkulturu 10 % svajho dachodu?I ź ich častku na NN? Jak pavinna była b źmianicca NN, kab takoje stałasia? Prašu idei.
