U Salečnickim rajonie (Vilenščyna) znajšli miesca pachavańnia lehiendarnaha AKaŭskaha kamandzira paručnika Jana Barysieviča «Krysi», Mściŭca» 7
Paśla jaho śmierci ŭ bai z NKVD 21 studzienia 1945 hoda la Kavalkoŭ (Litoŭskaja SSR), jahonaje cieła, raspranutaje da spodniaŭ, balšaviki vazili pa vioskach Voranaŭskaha rajonu BSSR i pamiežnych rehijonaŭ ŁSSR. Potym cieła niekalki dzien ležała na rynku ŭ Ejšyškach. I tolki paśla hetaha jon razam ź niekalkima inšymi partyzantami byŭ pachavany. Akazałasia, što NKVDzisty kinuli cieła kamiendanta ŭ kałodziež i źvierchu zasypali kamieńniem. Pachavańnie ŭdałosia znajści dziakujučy vypadkovym śviedkam, jakija bačyli heta. Užo praviedziena ekshumacyja i naznačana ekśpiertyza kab aficyjna padćvierdzić, što znojdzienyja kości sapraŭdy naležać Barysieviču.
Pierapachavańnie paručnika Barysieviča najchutčej adbudziecca ŭ Ejšyškach.
