Namalavanaja Kazimiram Malevičam u 1916 hodzie «Suprematyčnaja kampazicyja» budzie vystaŭlenaja na prodaž u Ńju-Jorku na aŭkcyjonie Sotheby's z acenkaj 60 miljonaŭ dalaraŭ.
Fota z sajtu interfax.by
«Suprematyčnaja kampazicyja» – adzin sa znakavych tvoraŭ avanhardyzmu. Pa viartańni Maleviča ŭ SSSR, karcina zachoŭvałasia ŭ Berlinie, a potym apynułasia ŭ architektara Huho Chierynha, jaki pradaŭ jaje ŭ amsterdamski haradski muzej. Paśla šmathadovych sudovych sprečak karcina była viernutaja naščadkam mastaka.
Ńju-jorskija tarhi majuć adbycca 3 listapadu 2008 hodu. “Suprematyčnuju kampazicyju” pakažuć na pieradaŭkcyjonnych vystavach u Londanie i Ńju-Jorku. Pavodle ahienstva Reuters rekord dla žyvapisu Maleviča ŭstanoŭleny ŭ 2000 hodzie: 17,1 miljona dalaraŭ.
