Žychary zavułka Telehrafnaha spynili niezakonnaje vysiakańnie zaniesienych ŭ Čyrvonuju knihu drevaŭ.
Na minułym tydni supracoŭniki Horadniazielanbudu pačali vysiakać hrabovuju aleju ŭ zavułku Telehrafnym. U paniadziełak ich sustreli miascovyja žychary i zapatrabavali adpaviednyja dakumenty. Pačuŭšy admovu, vyklikali milicyju. I tut vyjaviłasia nastupnaje: akt na vysiakańnie byŭ składzieny jašče ŭ sakaviku hetaha hodu. Zamoŭcam vystupiŭ Haradzienski ŭniversytet imia Janki Kupały. Pryčyna – avaryjny stan drevaŭ i znachodžańnie niekatorych ź ich bližej čym 5 metraŭ da budynkaŭ. Adnak z dakumentaŭ stała viadoma taksama i toje, što byli śsiečanyja try drevy, jakija zhodna planu musili zastacca. Pakul što vysiakańnie prypynili.
Varta adznačyć, što za čas rekanstrukcyi histaryčnaha centru Horadni vysiakańnie drevaŭ zajmieła masavy charaktar. Całkam byli źniščanyja skvery na Savieckaj płoščy, na adzinaj u horadzie pierachodnaj vulicy Savieckaj, častkova ŭ parku Žylibera.
Pavodle blog.grodno.net
