U vydaviectvie EHU vyjšaŭ z druku pieršy ŭ biełaruskaj histaryjahrafii hadavik antrapałahičnaj historyi «Homo historicus»
pad redakcyjaj Alesia Smalenčuka i pry ŭdziele Iryny Dubianieckaj.Jaho kancepcyja praduhledžvaje adlustravańnie minułaha ź pierśpiektyvy čałaviečaha vymiareńnia historyi. Svojeasablivym epihrafam hetaha vydańnia možna ličyć słovy Marka Błoka: «Pradmietam historyi źjaŭlajecca čałaviek».
Pa słovach redaktara hadavika, d‑ra histaryčnych navuk A. Smalenčuka, «aŭtary bolšaści materyjałaŭ imknulisia za palityčnymi, kulturnymi, vajennymi padziejami minułaha ŭbačyć i zrazumieć Čałavieka biełaruskaj historyi, vyzvalić jaho z pałonu stereatypaŭ i hienieralizavanych schiemaŭ. Heta, darečy, stvaraje zusim inšuju pierśpiektyvu dla razumieńnia minułaha...»
Siarod materyjałaŭ hadavika pryciahvaje ŭvahu prablematyka kulturnaj i kalektyŭnaj pamiaci, historyja navuki, vusnaja historyja, historyja siamji, histaryčnaja bijahrafistyka.Asobnymi błokami pradstaŭlenyja materyjały, jakija adlustroŭvajuć padziei Druhoj suśvietnaj vajny ŭ historyi i pamiaci biełarusaŭ, palakaŭ, niemcaŭ i litoŭcaŭ (aŭtary K. Klesman, A. Bubnis, A. Nikžentajcis, V. Šatałava, Ja. Mileŭski dy inš.), a taksama histaryčnaja bijahrafistyka (aŭtary H. Enhielkinh, R. Miknis), admietnaje miesca siarod jakoj zajmajuć daśledavańni pačatku navukovaj dziejnaści historyka i etnohrafa Mitrafana Doŭnar‑Zapolskaha (aŭtary V. Lebiedzieva, A. Smalančuk, A. Karski). Redakcyja imknułasia pradstavić na staronkach vydańnia nie tolki viadomyja postaci, ale taksama ludziej «biez archiva i historyi», jakija nie naležali da toj abo inšaj elity i ŭjaŭlali saboj z punktu pohladu tradycyjnaj histaryjahrafii «maŭklivuju bolšaść». Siarod aŭtaraŭ navukoŭcy ź Biełarusi, Litvy, Polščy, Čechii, Niamieččyny.
Hadavik źjaŭlajecca adnym ź pieršych «drukavanych vynikaŭ» dziejnaści Instytuta histaryčnych daśledavańniaŭ Biełarusi Jeŭrapiejskaha humanitarnaha univiersiteta. Vydańnie nadrukavana ŭ ramkach prajektu «Sacyjalnyja transfarmacyi ŭ Pamiežžy — Biełaruś, Ukraina, Małdova» i pry padtrymcy Karparacyi Karniehi (Ńju‑Jork).
