Aktyvist AHP i naziralnik za vybarami ad ADS z Kalinkavičaŭ Dzianis Rabianok atrymaŭ pa pošcie pastanovu Jelskaha rajonnaha sudu.
Tamtejšy sudździa Sihaj zavočna vynies pastanovu — aštrafavać aktyvista za parušeńnie zakanadaŭstva ab vybarach na 1 miljon 50 tysiač biełaruskich rubloŭ.
Napiaredadni parlamenckich vybaraŭ Dzianisa Rabianka vyklikali ŭ Kalinkavickuju prakuraturu, dzie jaho dapytvaŭ pamočnik jelskaha rajonnaha prakurora Jury Kušniaruk. Jon paviedamiŭ aktyvistu, što prakuratura raspačała suprać jaho administracyjnuju spravu pavodle artykułu 9.10 Kodeksu ab administracyjnych parušeńniach. Aktyvista abvinavacili ŭ tym, što jašče ŭ žniŭni jon, nia budučy siabram inicyjatyŭnaj hrupy, nibyta źbiraŭ podpisy ŭ Jelsku za kandydata ŭ deputaty ad ADS u Paleskaj vybarčaj akruzie № 43 Mikałaja Haŭrylenku. Aktyvista nibyta paznali pa fatahrafii dźvie jelskija žančyny. Oto to parušeńnie paradku!
