Padpisnaja kampanija na pieryjadyčnyja vydańni na 2009 hod raspačałasia ŭ Biełarusi tydzień tamu — 15 kastryčnika.
Šerah niedziaržaŭnych hramadska‑palityčnych haziet u čarhovy raz nie patrapili ŭ padpisny katałoh «Biełpošty».
Niahledziačy na piśmovyja zvaroty redakcyj da dziaržaŭnaha paštovaha pradpryjemstva ab uklučeńni ich u katałoh, sioleta «za bortam» padpisnoj kampanii iznoŭ akazalisia nacyjanalnyja haziety: «Narodnaja vola», «Naša Niva», «Novy čas», «SNplus. Svobodnyje novosti plus», «Tovariŝ», a taksama rehijanalnyja vydańni: «Borisovskije novosti», «Vitiebskij kuŕjer‑M», «Volnaje Hłybokaje», «Hazieta Słonimskaja», «Hancavicki čas» i «Intex‑press» (Baranavičy).
«Našaj Nivie» admovili ŭ raspaŭsiudzie praz padpisku, tradycyjna spasłaŭšysia na «ekanamičnuju niemetazhodnaść».
«Haziecie Słonimskaj» (Hrodzienskaja vobł.) u vieraśni supracoŭniki «Biełpošty» sami patelefanavali i prapanavali napisać zajaŭku na ŭklučeńnie vydańnia ŭ katałoh, paśla čaho pa nieviadomych pryčynach nie ŭklučyli.
«Pytańnie ab viartańni ŭ katałoh «Haziety Słonimskaj» vyrašajem nie my, a kiraŭnictva pradpryjemstva ŭ stalicy», — patłumačyŭ u hutarcy z pres‑słužbaj BAŽ supracoŭnik Słonimskaha paštovaha adździaleńnia Michaił Mandrykievič.
A hazietam «Intex‑press» i «Hancavicki čas» Brescki filijał «Biełpošty» adpisaŭ, što «metazhodnaść» zaklučeńnia ź imi damovy na raspaŭsiud vydańniaŭ pakul razhladajecca.
Na prośbu pres‑słužby BAŽ patłumačyć, u suviazi z čym tak doŭha vyrašajecca pytańnie ŭklučeńnia hetych haziet u abłasny katałoh (bo padpiska ŭžo viadziecca, i hublajecca čas) dyrektar Bresckaha filijała RUP «Biełpošta» Valancina Puch zajaviła: heta vyklikana tym, što vydańni nibyta «niezakonna pravodziać padpisnuju kampaniju».
— U ich niama sankcyj na praviadzieńnie padpiski. Adnak va ŭsich ich vydańniach dajecca rekłama, što padpiska pravodzicca. Dajuć numar sotavaha telefona, nie viedaju, jak jany potym pa telefonie pravodziać padpisku…
Pres‑słužba BAŽ: — Vidać, heta redakcyjnaja padpiska, a na jaje licenzija nie patrebnaja.
V. Puch: — Mahčyma, ale tam nidzie nie ŭkazvajecca, što heta redakcyjnaja padpiska, a dajecca tolki niejki sotavy telefon, tamu i pravodzicca naša viedamasnaje rasśledavańnie.
Uładzimir Janukievič, dyrektar «Vydavieckaha doma «Inteks‑pres»«, jaki vydaje abiedźvie vyšejzhadanyja haziety, byŭ vielmi ździŭleny takoj zajavaj kiraŭnicy abłasnoha padraździaleńnia «Biełpošty».
«Heta redakcyjnaja padpiska, i my majem prava jaje pravodzić. Tam ukazany numar redakcyjnaha mabilnaha telefona, što ŭ hetym moža być supraćpraŭnaha? Kožnaja redakcyja moža pravodzić takuju padpisku, i mnohija tak robiać. Ale heta vielmi doraha — dasyłać hazietu kožnamu padpisčyku ŭ kanviertach pry dapamozie toj ža pošty, tamu my i chočam, kab nas viarnuli ŭ raspaŭsiud praz padpisku pa katałohu «Biełpošty». Tym bolš što hetaje pradpryjemstva źjaŭlajecca faktyčna manapalistam na hetym rynku pasłuh», — zaznačyŭ U. Janukievič.
Inšyja haziety nie atrymali naohuł nijakaha adkazu, jak, naprykład, «Volnaje Hłybokaje» (Viciebskaja vobł.), redaktar jakoj dasłaŭ zajaŭku na ŭklučeńnie ŭ padpisny katałoh u rajonnaje adździaleńnie paštovaj suviazi jašče naprykancy vieraśnia.
Tym časam, z‑za niemahčymaści narmalna raspaŭsiudžvacca ŭ 2008 hodzie jašče dźvie niezaležnyja rehijanalnyja haziety — «Lachavicki čas» i «Miascovy čas» (Pinsk) — byli vymušanyja prypynić vychad.
