Košt prajezdu ŭ hramadskim transparcie ŭ Biełarusi moža pavysicca da kanca hoda, paviedamiŭ siońnia na pres‑kanfierencyi pieršy namieśnik ministra transpartu i kamunikacyj Mikałaj Vierchaviec.
«Praduhledžvajecca, što taryfy na prajezd u haradskim, pryharadnym i mižharodnim transparcie da kanca hoda pavysiacca.Tak, košt prajezdu ŭ haradskim transparcie ŭzraście, jak miarkujecca, u śniežni, u pryharadnym i mižharodnim — u listapadzie», — skazaŭ jon.
Pavodle słoŭ pieršaha namieśnika ministra, heta abumoŭlena tym, što mnohija taryfy nie mianialisia praciahły čas. Naprykład, košt prajezdu ŭ pryharadnych znosinach apošni raz pavialičvaŭsia ŭ listapadzie 2006 hoda. Taksama heta źviazana z koštam paliva, pakolki ŭ apošnija hady ceny na jaho tolki pavyšajucca.
Ciapier heta pytańnie razhladajecca ŭ Ministerstvie transpartu i kamunikacyj, Ministerstvie ekanomiki i Saviecie ministraŭ. «Adnak
pavieličeńnie koštu prajezdu nie budzie značnym — u miežach 15‑20 pracentaŭ»,— paviedamiŭ Mikałaj Vierchaviec.