24 kastryčnika na Kalvaryjskich mohiłkach u Minsku adbyłosia pachavańnie hienieralnaha dyrektara kampanii «MTV u Biełarusi» Maksima Siamionava.
Jak paviedamiŭ BiełaPAN hienieralny pradziusier kampanii Valancin Hryško, 31‑hadovy Maksim Siamionaŭ trapiŭ u DTZ 21 kastryčnika i na nastupny dzień pamior u balnicy ad atrymanych traŭm. U jaho zastalisia žonka i 4‑hadovaja dačka.
Ab padrabiaznaściach avaryi BiełaPAN raskazali va Upraŭleńni DAI HUUS Minharvykankama.
DTZ adbyłosia ŭ aŭtorak u 11.30. M.Siamionaŭ, kali prajazdžaŭ pa vulicy Arłoŭskaj na matacykle, pierastroiŭsia ŭ pieršuju pałasu ruchu, ale nie spraviŭsia z kiravańniem i ŭrezaŭsia ŭ aporu lichtara. Dakładnaja pryčyna avaryi pakul nie ŭstanoŭlena, viadziecca rasśledavańnie.