Architektary abiacajuć viarnuć «Chłopčyku ź lebiedziem» kolišni vyhlad i pasadzić na borcik žabaŭ.
Adzin z samych starych skvieraŭ horada, la Kupałaŭskaha teatra, budzie rekanstrujavany. Nahadajem, znakamity fantan «Chłopčyk ź lebiedziem» i sam Alaksandraŭski skvier źjavilisia ŭ 1872 hodzie. Ciapier staličnyja architektary chočuć viarnuć jamu pieršapačatkovaje abličča.
Jak paviedamiła namiesnica načalnika ŭpraŭleńnia pa achovie historyka‑kulturnaj spadčyny i restaŭracyi Ministerstva kultury Aksana Smatrenka, prajektnaja dakumientacyja pa rekanstrukcyi skviera ciapier prachodzić uzhadnieńnie. Prajekt praduhledžvaje dobraŭparadkavańnie skviera z prymianieńniem bolš jakasnych materyjałaŭ. Tak, usie bietonnyja elemienty ŭ skviery buduć zamienieny na hranitnyja, ustanoviać novyja ŭ adpaviednasci z histaryčnym abliččam śviacilni. Akramia taho, źmianienni zakranuć i sam fantan. Jamu viernuć elemienty, jakija byli stračany. Na borciku fantana źjaviacca žaby. Taksama budzie adnoŭlena aharodža skviera.
