Sud Mienskaha rajonu i sudu horadu Zasłaŭja asudziŭ Ramana Mienciuka na 5 hadoŭ kalonii ahulnaha režymu (art. 317, č.2 KK).
Raman Mianciuk skazaŭ, što budzie i nadalej admaŭlacca ad ježy, bo jahonaje dalejšaje žyćcio biessensoŭnaje.
Prysud moža być abskardžany ciaham 10 dzion u Mienskim abłasnym sudzie.
***
Prakuror paprasiŭ pakarać Ramana Mienciuka 5 hadami kalonii ahulnaha režymu.
Mianciuk abviaściŭ haładoŭku, kažučy, što jon nievinavaty: «Ja tolki parušaŭ praviły darožnaha ruchu».
Taksama jon śćviardžaje, što padčas śledztva da jaho stavilisia praduziata, ale jon nijaki nie kryminalnik.
«Ja mužčyna sa svajoj hodnaściu i nie chaču viartacca ŭ zonu, u vypadku zaklučeńnia ŭ kaloniju, tudy iści nie źbirajusia».
Ale abskardžvać prysud Raman Mianciuk nie źbirajecca.
Prakuror matyvavaŭ takuju žorstkuju mieru prysudu tym, što na volnym pasialeńni Mianciuk moža ŭciačy, jak jon uciok u Maskvu.
Advakat prosić pakarać svajho padabaronnaha, ale nie sadziačy ŭ turmu.
Prysud budzie abvieščany ŭ 12:10.
***
Siońnia ŭ sudzie Mienskaha rajonu i horadu Zasłaŭje (słuchańni iduć ŭ pamiaškańni sudu Maskoŭskaha rajonu stalicy) praciahvajecca praces nad Ramanam Mienciukom.
Nahadajem, što 2 sakavika 2008 h, kirujučy svaim aŭto «falksvahien holf», na chutkaści kala 160 km/h niećviarozy Raman Mianciuk vyklikaŭ avaryju na 8-m kilametry trasy Miensk — Mikaševičy. Jon urezaŭsia ŭ niekalki aŭtamabilaŭ, jakija, jak pakazała raźbiralnictva ŭ sudzie, supracoŭniki DAI vystavili na darozie ŭ jakaści zasłony z metaj spynić parušalnika.
Mianciuk svaju vinu pryznaŭ, ale paprasiŭ sud pryznačyć jamu pakarańnie, nie źviazanaje z pazbaŭleńniem voli.
Zaŭtra, 30 kastryčnika, u sudzie Mienskaha rajonu i horadu Zasłaŭje pačniecca praces nad jahonaj žonkaj Volhaj, jakaja znachodzicca na vośmym miesiacy ciažarnaści.