Zaviaršyŭsia aficyjny vizyt kiraŭnika Vialikaj libijskaj revalucyi Muamara Kadafi ŭ Biełaruś.
Pa vynikach trochdzionnaha vizytu padpisany šerah pahadnieńniaŭ.
U tym liku — Kanvencyja ab paźbiahańni padvojnaha padatkaabkładańnia i uchileńnia ad vypłaty padatkaŭ na dachody i majomaść, Pratakoł ab supracoŭnictvie pamiž Ministerstvami justycyi Biełarusi i Hałoŭnym narodnym kamitetam justycyi Libii, Memarandum ab uzajemarazumieńni pamiž Dziaržkamitetam pa standartyzacyi Biełarusi i Nacyjanalnym centram Libii i Nacyjanalnym centram Liibii pa standartyzacyi i metralohii, a taksama pahadnieńnie ab supracoŭnictvie pamiž Nacyjanalnaj dziaržteleradyjokampanijaj Biełarusi i Hieneralnaj asacyjacyjaj tiełeradyjoviaščańnia Libii/
***
U paniadziełak Miensku adbyłasia sustreča Alaksandra Łukašenki z kiraŭnikom vialikaj libijskaj revalucyi Muamaram Kadafi. Padčas pieramovaŭ biełaruski lider vykazaŭ spadziavańnie, što siońniašni tavarazvarot dziaržaŭ «nie adlustroŭvaje ichny patencyjał».
«My budziem vitać vašu padtrymku našaj krainy, pracavać u Libii, vitać vašych specyjalistaŭ, vaš biznes u Biełaruś», — cytuje dziaržaŭnaje ahienctva BIEŁTA słovy A.Łukašenki.
«Biełaruś i Libija majuć ahulnyja pohlady adnosna budaŭnictva śvietu. My taksama, jak i vy, pryncypovym pytańniem ličym, što śviet pavinien być šmatpalarnym, što heta pryncyp isnavańnia luboj systemy: jana pavinna apiracca na roznyja kropki. Tady jana ŭstojlivaja. Zakrytych temaŭ u nas niama», — skazaŭ kiraŭnik Biełarusi.
Łukašenka padkreśliŭ, što rady pieramozie Muamara Kadafi na mižnarodnaj arenie, to bok admienie mižnarodnych sankcyj. «My viedajem, jak ciažka było vystajać, vytrymać mižnarodnyja sankcyi, absalutna niezakonna naviazanyja vašaj krainie. I pry hetym vyvieści krainu ŭ lik dziaržaŭ, jakija siońnia vyznačajuć palityku ŭ śviecie».
Muamar Kadafi ŭ svaju čarhu adznačyŭ: «My cenim vašu pryncypovuju pazycyju i stojkaść. My zaŭvažyli značny praryŭ, jakich vialikich pośpiechaŭ dasiahnuła Biełaruś za hety čas. Libija prajšła ciažki peryjad mižnarodnych sankcyj. I mienavita ŭ hety peryjad Biełaruś praciahnuła ruku družby».
Lider Vialikaj libijskaj revalucyi zaprasiŭ Łukašenku naviedać Libiju. Nahadajem, što biełaruski lider užo naviedvaŭ hetuju afrykanskuju krainu ŭ 2000 hodzie.
Muamar Kadafi pryjšoŭ da ŭłady ŭ Libii šlacham uzbrojenaha paŭstańnia ŭ 1969 hodzie. Padpałkoŭniku Kadafi tady było ŭsiaho kala 27 hadoŭ (dakładnaja data naradžeńnia nieviadomaja). Adnym ź pieršych jahonych zahadaŭ było vykidvańnie z terytoryi krainy amerykanskich vajskovych bazaŭ. Bahataja na pryrodnyja resursy Libija abjaviła pra svoj «asablivy šlach raźvićcia».
U krainie była ŭstalavanaja žorstkaja dyktatura. U Libii praktykavałasia vyniščeńnie apanentaŭ režymu, u tym liku fizyčnaje. U 2001 hodzie lider Džamachiryi zaklikaŭ žycharoŭ Afryki vyhnać z kantynentu biełaje nasielnictva.
Kadafi aktyŭna dapamahaŭ samym adyjoznym afrykanskim režymam. Dapamahaŭ hrašyma i zbrojaj separatysckim arhanizacyjam va ŭsim śviecie — ad Šatlandyi da Namibii. Takaja palityka libijskaha kiraŭnika pryviała da vojnaŭ u hetym rehijonie. Spačatku z Čadam, potym — z Ehiptam. Doŭhi čas Kadafi hanarova nazyvali «Samym hałoŭnym terarystam śvietu». U 1986 hodzie amerykanskaja avijacyja bambiła Libiju.
Za padtrymku terarystaŭ suprać Libii byli ŭviedzienyja mižnarodnyja sankcyi ŭ 1980‑ych.Kanfrantacyju z zachodnim śvietam Muamar Kadafi spyniŭ tolki ŭ 2000‑yja hady. U 2003 hodzie jon abjaviŭ kurs na «narodny kapitalizm». A ŭ 2004 hodzie ZŠA častkova admianiła sankcyi suprać Libii.
Darečy, u Miensk Kadafi prybyŭ razam z svaim šatrom. Jak vyśvietliła internet‑vydańnie "Salidarnaść", šacior libijski kiraŭnik raźbiŭ pobač ź dziaržaŭnaj rezydencyjaj «Zasłaŭje». Viečaram ža Łukašenka planuje aficyjny pryjom u honar darahoha hościa.
